Turumeke Harrington Digital Residency

Te Wiki o Te Reo Māori

14 - 18 September

For Te Wiki o Te Reo Māori artist Turumeke Harrington has been invited to undertake a digital residency which will be hosted on our Instagram @physicsroom.

From Mane 14 til Paraire 18 Hepetema, Harrington will undertake a haerenga with some of her favourite people and places in Te Waipounamu as part of an ongoing artistic inquiry.

The theme for Te Wiki o Te Reo Māori 2026 is Te Reo Towns, and is about recognising the communities already leading the way, while others take the next step in their reo journey. The Physics Room wants to tautoko the visibility of te reo Māori in contemporary art and join the ongoing energy of the Māori Language Movement.

Turumeke Harrington (Kāi Tahu, Rangitāne) works across sculpture, painting, jewellery, design, and installation to explore how colour, material, and form embody mātauranga Māori. Her playful works sit between art and design, combining humour and whakapapa to reimagine cultural narratives within contemporary space. Harrington holds a Master of Fine Arts (Distinction) from Massey University, alongside degrees in Fine Arts and Industrial Design. Harrington has exhibited widely across Aotearoa, including at major institutions such as Wairau Māori Art Gallery, Dunedin Public Art Gallery, Christchurch Art Gallery Te Puna o Waiwhetū, alongside numerous artist-run and independent spaces.

Te Wiki o te Reo Māori

14 - 18 September

Hei whakanui i te Wiki o te Reo Māori, kua rāhiritia mai te ringatoi nei a Turumeke Harrington hei hautū i tētahi hōtaka toi, matihiko nei, mā runga i tō tātou Paeāhua @physicsroom.

Atu i te Mane 14, tae noa ki te Paraire 18 o Hepetema, ka tipi haere a Harrington ki ētahi o ngā tāngata, o ngā pito whenua hoki o Te Waipounamu e kaingākautia nuitia nei e ia, me kī, he wāhanga nō ana whakamātau haeretanga hei ringatoi.

Ko te kaupapa o Te Wiki o te Reo Māori i te tau 2026 ko Te Reo Towns, ā, ko tōna aronga he whakanui i ngā hapori maha e para kē ana i te ara, me te āki hoki i ētahi atu kia koke mai. Ko tā mātou o The Physics Room e hiahia nei, kia tautoko i te kitea o te reo Māori i ngā horopaki toi moroki, ka mutu, kia tūhono atu ki te ihiihi o tēnei kaupapa whakahirahira ko te whakarauora i te reo Māori.

Inā te whānuitanga o ā Turumeke Harrington (nō Kāi Tahu, nō Rangitāne hoki) mahi toi, ahakoa he tārai, he peita, he hoahoa, he whakatū puninga toi rānei, e āta tūhura ana i ngā āheinga o te kano, o te matū, o te āhua hei whakatinana i te ao Māori. Kei waenganui i te toi me te hoahoa āna mahi tākaro ai, whakatoi ai. Hanumi ana i a ia ko te whakakata me te whakapapa, hei whakahou ake i ngā kōrero tuku iho, kia hāngai pū ai ki ngā horopaki o nāianei.

He mea whakawhiwhi a Harrington ki te Tohu Paerua i te Mātauranga Toi (Kairangi) i te Kunenga ki Pūrehuroa, otirā ki ētahi atu anō tohu i te Mātauranga Toi me te Hoahoa Ahumahi. He whānui hoki te whakaaturia o āna mahi puta noa i Aotearoa, tae noa ake ki ngā whare nunui pērā i a Wairau Māori Art Gallery, i a Dunedin Public Art Gallery, i a Te Puna o Waiwhetū Christchurch Art Gallery, me ērā atu anō whare toi, he mea whakahaere rānei e te hunga ringatoi, he mea motuhake rānei.